Көкшетауда өрттен зардап шеккен үш баланың тағы біреуі көз жұмды

Көкшетауда өртенген пәтерден құтқарылған үш қыздың екіншісі көз жұмды, деп хабарлайды Azattyq Rýhyтілшісі Ақмола облыстық денсаулық сақтау басқармасының баспасөз қызметіне сілтеме жасап.

Денсаулық сақтау басқармасының хабарлауынша, 2013 жылы туған қыздың денесінің 80 пайызын күйік шалған. Ол кеше кешке қайтыс болды

Көкшетауда 13 маусым күні түнде көпқабатты үйден шыққан өрт салдарынан бір үйдің үш баласы ауыр халде ауруханаға жеткізілгенін хабарлаған болатынбыз. Ал 14 маусым күні сәбилердің кішісі көз жұмған еді.