Түркістан облысындағы қоқыс полигондарының 70 пайызы арам болып шықты

Түркістан облысының табиғатты қорғау прокуратурасы аймақтағы қоқыс полигондарының 70 пайызы санитарлық талаптарға сай емес екенін анықтаған, деп хабарлайды Azattyq Rýhy.

«Талдау барысынла полигондардың 70 пайызы санитариялық-экологиялық талаптарға сәйкес келмейтіндігі анықталды. Мәселен, облыс аумағындағы 135 полигонның жарығы жоқ, қоршауы жоқ, 81 полигонның санитариялық-эпидемиологиялық қорытындысы жоқ, 11 полигонның экологиялық рұқсат құжаттары жоқ болып шықты», - деп хабарлайды прокуратура.

Прокуратура қандай заң бұзу фактілерін тапты

• Облыстағы 135 полигонның 70%-ы талапқа сай емес

• Көп полигонда жарық пен қоршау жоқ

• 81 полигонда санитарлық-эпидемиологиялық қорытынды жоқ

• 11 полигон экологиялық рұқсатсыз жұмыс істеп келген

Заң бұзған полигондардың басшыларына 9 млн теңгеден астам айыппұл салынған, рұқсат қағазы жоқ 11 полигон рұқсат алғанша жұмыс істемейтін болды.