Қансырап жатқан Шерзаттың басын көтеріп, көмек шақырған Ғайыпбаевты ұрып-тепкен – Шынасылдың жауабы

Сот отырысында Шерзат Полатты пышықтады деп айыпталған күдікті Абзал Шынасыл жәбірленуші тараптың адвокаттарының сұрақтарына жауап берді. Бұған дейін ол өткен жылдың 16 қазанынан кейінгі жауаптарым ойдан шығарылған, 4-5 қазан күнгі жауаптарымды ғана мойындаймын деген еді, деп хабарлайды Azattyq Rýhy.

Абзал Шынасыл Шерзат Полат жараланып қалғаннан кейінгі оқиғаны айтты. Ол Нұрқанат Ғайыпбаев пышақталып жатқан Шерзат Полаттың басын ұстап, жедел- жәрдем деп айғайлап отырған кезде жүгіріп барып Ғайыпбаевты теуіп-ұрған.

«Сол кезде қасымда балалар болды, бірақ кімнің не істеп жатқанын аңғармадым», - деді ол.

Сондай – ақ 4 қазанда Талғардағы Эйфория кафесінде сыра ішіп, артынан «Қызылжар» арағын үш-төрт дана іштік деген ол бүгін «Өз басым сыра ғана іштім», - деп жауап берді. Ал оқиға ортасында жүрген, Абзал Шынасылдың пышағының қанын жууға көмектескен Дана Жақсыгелдімен 4-5 күн бұрын әлемметтік желіде танысып, қанды оқиғаға дейін бір рет кездесуге шыққанын айтты.

Еске салайық, сотты біздің ютуб-арнасынан тікелей эфирде көре аласыздар.