Сыбайлас жемқорлыққа қарсы агенттік қызметкерлеріне адамдарды азаптады деген айып тағылды

Агенттік қызметкерлеріне тергеу кезінде адамдарды қинау, азаптау фактісі бойынша бірнеше айыптаулар ілінді деп хабарлайды Azattyq Ruhy ҚР ІІМ баспасөзіне сілтеме жасап.

24 қазан күні ІІМ-нің қоғамдық қабылдауына келген ШҚО-ның екі тұрғыны өздеріне көрсетілген азаптаулар жайында айтқан. Полицейлердің мәліметінше, аталған дерек бойынша Сыбайлас жемқорлыққа қарсы агенттіктің ШҚО бойынша өкілдігінің 4 қызметкері ұсталған. Олардың үстінен ҚР Қылмыстық кодексінің 146-бабы, 2-тармағының 1-бөлігіне (Азаптау) сәйкес сотқа дейінгі тергеу амалдары басталыпты.

Алдын ала болжам бойынша, жемқорлыққа қарсы күрес қызметінің мамандары азаматтарды тергеу кезінде заңсыз әрекеттерін бірнеше рет қолданған.