«Анамды 7 жыл бойы іздеп жүрмін» - шетелдіктер асырап алған қазақ қызының хаты жарияланды

Америкалық қазақ қыз Қазақстаннан туған анасын іздеп жүр, деп хабарлайды Azattyq Rýhy «Уральская неделья» басылымының желідегі парақшасына сілтеме жасап.

Ая Блумер есімді бойжеткен АҚШ-тың Флорида штатында тұрады. 2007 жылы шетелдіктер оны Оралдың №2 балалар үйінен асырап алған.

«Мен 2004 жылы 2 мамырда тудым. Жақында 21 жасқа толамын. Қазақстан берген туу туралы куәлігімде менің шын атым - Төлепова Аяулым Нариманқызы деп жазылған. Мен әке-шешемнің атын білемін. Анамды 7 жыл бойы іздеп келемін», - деп жазылған қыздың хатында.

Айтуынша, әкесі туберкулез дертінен қайтыс болған. Ал Аяулымнан басқа 4 баласы бар анасы оны тастап кеткен көрінеді.