Жаңаөзенде мешіттен өрт шығып, 12 жастағы бала күйіп қалды

Жаңаөзен қаласында мешіт аумағында өрт болып, кәмелетке толмаған баланың денесін күйік шалды, деп хабарлайды Azattyq Rýhy.

Оқиға 6 ақпан күні Жаңаөзен қаласының Шаңырақ шағын ауданында болған.

«Қалалық мешіттің аумағында жаңадан салынып жатқан ғимараттың кіреберісінде кілем өртенген. Жалын 40 шаршы метр аумақты шарпыған. Өрт сөндірілді. Денесі күйіп қалған 2013 жылғы бала ауруханаға жатқызылды», - деп мәлімдеді Маңғыстау облысы ТЖД.

Өрттің себебі анықталып жатыр.