ШұғылҚазақстанда маусым айында пневмониядан 628 адам қайтыс болды

Алматыда қағаз қоймасы отқа оранды

Өртті сөндіруге тікұшақ тартылды

Алматыда қоймадан шыққан өртті сөндіру үшін тікұшақ жұмылдырылды. «Қазавиаспас» кәсіпорнының  МИ-171  және  МИ-8 тікұшағы қатты жанып жатқан өрттің ошағын ауыздықтау үшін әуе арқылы көмекке келді, деп хабарлайды Azattyq Rýhy тілшісі.

Жалын Бекмаханов 96 мекенжайындағы қағаз қалдықтарды сақтайтын қоймадан басталған.

Қалалық Төтенше жағдай департаментінің баспасөз қызметі таратқан ақпаратқа сәйкес, оқиға орнына тікұшақтардан бөлек, 100 жеке құрам қызметкері, 24 бірлік техника, 6 су тасымалдайтын автокөлік келген.

«Өрт сөндіру бөлімшелеріне жоғары деңгейдегі дайындықпен келуге тапсырма берілген. Қазір өрт сөндірушілер жалынның жақын маңдағы өзге ғимараттарға таралмауын қамтамасыз етіп жатыр», - дейді баспасөз қызметіні маманы Гүлдана Нұрымбетова.

Өрттің неден шыққаны әзірге белгісіз. Жалын шарпыған аумақтың көлемі де белгісіз. Өрт сөндірушілер қауіптің бетін қайтаруға тырысып жатыр.

Ришат Асқарбекұлы, Алматы

Сұхбат
Юрий Ким адамдарды жаппай егу нәтижесінде індет 2023 жылы тоқтауы мүмкін дегенді айтты
Бүгінге дейін облыста COVID-19  вирусын жұқтырған 613 адам тіркелді
Бүгін сайлауалды үгіт-насихат жұмыстары тоқтады