Ақтөбеде аулалардың бірінде кішкентай бала мәйіті табылды

Ақтөбеде үй алдында анасын күтіп тұрған кішкентай бала көз жұмды. Бейресми мәлімет бойынша, бала қатты шошынып, есінен танған, артынша қайтыс болған, деп хабарлайды Azattyq Rýhy.

«28 ақпанда сағат 7.30 шамасында Ақтөбе қаласы Маресьев көшесіндегі үйдің ауласынан кәмелетке толмаған баланың мәйіті табылды», - деді полициядан.

Полицияның айтуынша, баланың денесінде ешқайдай зорлық-зомбылықтың ізі жоқ, киімі бүтін. Оның қайтыс болу себебін анықтау үшін сараптама тағайындалған.