Актриса Әсел Садуақасова 40 жасын Майамиде атап өтті
Ол бүкіл жақынына алғыс арнаған
Белгілі актриса, продюсер Әсел Садуақасова 40 жасын АҚШ-та қарсы алды, деп хабарлайды Azattyq Rýhy.
Ол өзінің желідегі парақшасында өзі сияқты керемет адамды дүниеге әкелген ата-анасына, Құдайға рахмет айтты.
«Бүгін менің туған күнім, бұл күнді жыл сайын асыға күтемін. Әсіресе, осы жыл ерекше, өмірімнің жаңа белесіне өттім, мен 40-қа толдым. Алға нақты мақсат қоймадым, өзімнен ештеңе күтпедім, менде бұл алғаш рет болып тұр. Өзіме, өміріме, Құдайға, әлемге, адамдарға деген үлкен алғысым бар. Осы өмірге келгенім үшін Құдайға, әке-шешеме рахмет. Мені шынымен де керемет адам етіп жаратты. Өмірімде кездескен бүкіл жақыныма алғыс айтамын. Мен тамаша адамдармен доспын. Сүйікті оқырмандарым, мен сіздерге көп рахмет айтамын», - деп жазды ол.
Актрисаның жазылмандары оған ақжарма тілектерін арнап жатыр.
