Қаскелеңде ер адам қызмет ақысына кірпіш салынған қорап беріп, сатушыны алдап кеткен

Қаскелең қаласында белгісіз ер адам телефонын жөндетіп, қызмет ақысын төлемей кеткен, деп хабарлайды Azattyq Rýhy.

Оқиға әлеуметтік желіде жарияланды. Жәбірленушінің сөзінше, танымайтын ер адам телефон жөндеу қызметіне жүгінген және көрсетілген қызмет үшін 9 мың теңге төлеуі керек болған.

Алайда, күдікті қулыққа басып, ақшасының көлігінде қалғанын айтқан. Ақшаны алып келгенше, кепілге қорапта тұрған телефонын тастап кетеді. Бірақ ол сол қалпы оралмайды. Жәбірленуші қорапты ашқанда ішінде телефон емес, кірпіш жатқан.