Көкшетауда дәрігерлерға қоқан-лоқы көрсеткен ерлі-зайыпты жазаланды

Дәрігерлерге шабуыл жасаған ерлі-зайыпты жазаланды, деп хабарлайды Azattyq Rýhy.

Көкшетауда кішкентай баланың үстіне жиһаз құлап, саусақтары езіліп кеткен. Дәрігерлер баланың үш саусағын кесіп тастады. Оған келіспеген ата-анасы шу шығарып, дәрігерлерге шабуыл жасаған.

Соттың хабарлауынша, азамат М. анестезиолог дәрігерді жағасынан алып, боғауыз сөздер айтып, қорлаған. Оның әйелі А. медициналық қызметкер - травматолог дәрігерге тіл тигізіп, үстеліндегі заттарын шашып кеткен.

Сот баланың әкесін 2 тәулікке қамау туралы үкім шығарды, ал анасына 30 АЕК (117 960 теңге) мөлшерінде айыппұл төлетті.