Алматыда блок-бекеттегі апаттан екінші полицей де қайтыс болды

Бүгің таңға жуық Алматы облысы Қарасай ауданы мен Алматы қаласының арасындағы блок-бекетті күзетіп тұрған екі полиция қызметкері қайтыс болды.

«Полиция қызметкерлерінің өліміне БМВ көлігінің жүргізушісі себепкер болған. Мас күйінде көлік басқарған 1992 жылғы азамат патрульдік полиция инспекторлары отырған автокөлікті соққан. Оқиға орнында полиция аға лейтенанты Жалғас Жанғазиев қайтыс болған. Ал ауруханаға жеткізілген оның әріптесі полиция сержанты екі сағаттан соң ауруханада көз жұмды, деп хабарлады полиция департаментінің баспасөз қызметі», - делінген Алматы қалалық ПД хабарламасында.

Жарас Жанғазиев 1978 жылы Шығыс Қазақстан облысында туған. Ішкі істер саласында 2001 жылдан бері еңбек етеді. Үйленген, екі қызы бар.

Ал аға сержант Дастан Әбдіқанов 1994 жылы Алматы қаласында дүниеге келген. Қалалық патрульдік полиция қызметіне 2016 жылы жұмысқа қабылданған. Артында жары мен бір айлық сәбиі қалған.