Он сегіз көлік соғысқан жол апаты: бір адам ауруханаға түсті

Алматы-Өскемен тас жолындағы апаттан бір адам жарақаттанып, ауруханаға түсті, деп хабарлайды Azattyq Rýhy.

Полицияның хабарлауынша, жолаушы жеңіл жарақат алып, Алатау қаласындағы ауруханаға жатқызылған.

Еске салсақ, бүгін таңғы сағат 07:30 шамасында «Алматы-Өскемен» автожолының учаскесінде ірі апат болып, 18 көлік соқтығысып қалған. Апат қалың тұман кезінде болды. Осы факті бойынша тексеру іс-шаралары жүргізіліліп жатыр.

«ҚазАвтоЖол» хабарлауынша, жүргізушілер шектеулі көрініс кезінде жылдамдық режимі мен қауіпсіз арақашықтықты сақтамаған.

Полиция автожүргізушілерді тұман кезінде жол ережесін қатаң сақтауға шақырды.