Антикор бұрынғы вице-министр Ерлан Қожағапановқа қатысты тергеуді аяқтады

Сыбайлас жемқорлыққа қарсы күрес агенттігі 1 млрд теңгені жымқырды деген күдікпен қолға түскен  мәдениет және спорт министрлігінің бұрынғы вице-министрі Ерлан Қожағапановқа қатысты тергеуді аяқтады, деп хабарлайды Azattyq Rýhy.

«Агенттік Мәдениет және спорт министрлігінің бұрынғы вице-министрі және мердігер ұйым басшылығына қатысты ауыр қылмыс жасағаны бойынша тергеуді аяқтады. Олар қызметтік өкілеттіктерін асыра пайдаланды және 1 млрд теңгеден астам қаражатты жымқырды деп айыпталуда. 2024 жылдың 13 желтоқсанында Бас Прокуратура күдіктілерді сотқа берді», - деп хабарлады бүгін, 2025 жылдың 5 қаңтарында агенттік.

Айта кетейік, Ерлан Қожағапанов 2024 жылдың 1 наурызы күні қолға түскен болатын.