Әр салют 2,5 мың рет атылады - Жаңа жыл түні Астананың қай жерлерінен отшашу көруге болады

Ертең, 31 желтоқсан күні түнгі сағат 00:00-де Астананың екі жерінде отшашу атылады, деп хабарлайды Azattyq Rýhy 

Қала әкімдігінің ресми сайты жазғандай, отшашу Ботаникалық бақ пен «Атырау» көпіріне ірлегес жерде болады және әр жердегі салют шамамен 2,5 мың рет атылады.

«Бұдан өзге, 31 желтоқсаннан 1 қаңтарға қараған түні қаланың үш жерінде мерекелік шаралар өтеді. 31 желтоқсан күні сағат 21:00-ден 02:00-ге дейін елорданың қалалық алаңында, «Қазақ елі» монументі аумағында және ЭКСПО алаңында эстрада жұлдыздары концерт қояды», - деп хабарлайды әкімдіктің ресми сайты.

Мерекеге орай сондай-ақ Тәуелсіздік даңғылы, Орталық саябақ, Ататүрік саябағы, Промышленный елді мекені және «Көктал» саябағындағы Оқушылар сарайының аумағында да той-думан болады деген жоспар бар.