Димаш Құдайберген Бибігүл Төлегеноваға сыйлық жасады

Димаш Құдайберген өзінің тағы бір жеңісін аңыз тұлға Бибігүл Төлегеноваға арнады, деп хабарлайды Azattyq Rýhy.

«Құрметті Бибігүл Ахметқызы! Күні кеше алған кезекті марапатымды алдағы келе жатқан 95 жылдық мерейтойыңыздың қарсаңында, сіздің құрметіңізге арнауға рұқсат етіңіз. Жастайымнан сіздің жоғары дәрежедегі өнеріңізбен сусындап өсіп, сіздің аналық, ұстаздық өсиеттеріңіз бен батаңыздың арқасында қазіргі күні азды-көпті жетістіктерге қол жеткізіп келемін», - деп жазды әнші желідегі парақшасына.

Аты аңызға айналған опера әншісі Бибігүл Төлегенова биыл 16 желтоқсанда 95 жасқа толады.