Атырау облысында дауыл бірнеше ғимараттың шатырын тас-талқан етті

Атырау облысында дауыл тұрып, Ресеймен шекаралас аудандағы бірнеше ғимарат бүлінді, деп хабарлайды ҚазАқпарат тілшісі.

Құрманғазы ауданында кеше түстен кейін қатты жел соғып, кейін толассыз жаңбыр жауған. Әуезов атындағы орта мектептің шатыры жұлынған. Аудан орталығында да, шалғайдағы ауылдарда да көптеген жеке үйге зақым келген. Кейбір үйдің шатыры ұшса, кейбірі жартылай қираған. Көшелер суға толған.