Дөң кен-байыту комбинатында жүк көлігі аударылып, екі жұмысшы мерт болды (ВИДЕО)

Ақтөбе облысы Хромтау ауданындағы Дөң кен-байыту комбинатында жүк көлігі аударылып, екі жұмысшы мерт болды, деп хабарлайды Azattyq Rýhy.

«Қазхромның» хабарлауынша, оқыс оқиғаның мән-жайы анықталып жатыр.

«Қазхром» ТҰК» АҚ филиалы Дөң тау-кен байыту комбинатындағы жол-көлік оқиғасы салдарынан кәсіпорынның екі қызметкері жарақаттанып, көз жұмды. Оқиға туралы мемлекеттік органдарға хабарланды. Оқыс оқиғаның мән-жайы анықталып жатыр. «Қазхром» ТҰК» АҚ ұжымы марқұм болған қызметкерлердің туған-туыстарының қайғысына ортақтасып, көңіл айтады. Компания  марқұмдардың отбасына қажетті көмек көрсетеді», - деп хабарлады «Қазхром» ТҰК» АҚ Корпоративтік коммуникация қызметі. 

Ал Ақтөбе облыстық полиция департаменті аталған дерекке қатысты қылмыстық іс қозғалғанын мәлім етті.

«Қылмыстық кодекстің «Тау-кен немесе құрылыс жұмыстарын жүргізу кезінде қауіпсіздік ережелерін бұзу» бабы бойынша іс қозғалды. Қазір сотқа дейінгі тергеп-тексеру басталды», - делінген ПД хабарламасында.