Алматы орталығында бір қабатты мейрамхана өртенді

Алматы қаласының орталығында орналасқан бір қабатты мейрамхана өртке оранды, деп хабарлайды Azattyq Rýhy ҚР Төтенше жағдайлар министрлігінің баспасөз қызметіне сілтеме жасап.

Министрліктің мәліметіне сәйкес, өрт Мақатаев көшесіндегі мейрамханада болған.

«Өрт толықтай сөндірілді, жалпы көлемі 280 шаршы метрді құрады. Өрт сөндірушілер үш оттегі баллонын алып шықты», – делінген хабарламада.

Төтенше жағдайлар министрлігі өрттен ешкім зардап шекпегенін растады.

Әлеуметтік желілерде таралған ақпарат бойынша, өрт Kunjut мейрамханасында болған.