Ақтауда жасөспірімді қаққан жүргізуші жауапқа тартылды
Іс материалдары сотқа жіберілді
Ақтаудағы 12, 13, 16 және 17 шағын аудандар арасындағы қиылыста жаяу жүргіншілер өткелінде жасөспірімді қаққан жүргізуші әкімшілік жауапкершілікке тартылды, деп хабарлайды Azattyq Rýhy Lada.kz-ке сілтеме жасап.
Ведомствоның мәліметінше, Toyota маркалы көліктің жүргізушісі жаяу жүргіншіні қаққан.
«Медициналық көмек көрсетілгеннен кейін мектеп оқушысы амбулаториялық ем алуға жіберілді. Жүргізуші Қазақстан Республикасы Әкімшілік құқық бұзушылықтар туралы кодекстің 610-бабына сәйкес әкімшілік жауапкершілікке тартылды. Іс материалдары сотқа жіберілді», - деп түсіндірді облыстық полицияның баспасөз қызметі.
Еске салайық, 12 жастағы бала ауруханаға жатқызылды. Оқиға 2024 жылдың 16 қыркүйегінде Ақтаудағы 12, 13, 16 және 17 шағын аудандар арасындағы қиылыста орын алды.
