Жетісу облысында екі жүк көлігі соқтығысып, 16 жеңіл көлік түгі қалмай жанып кетті

Жетісу облысында екі жүк көлігі соқтығысты. Салдарынан 16 жеңіл көлік түгі қалмай жанып кетті. Бұл туралы Жетісу облыстық полиция департаментінен мәлім етті, деп хабарлайды Azattyq Rýhy.

ПД мәліметінше,  жол-көлік оқиғасы бүгін, 23 тамызда сағат 18:15 шамасында «Батыс Еуропа - Батыс Қытай» автожолының 278-шақырымында болды.

«Екі жүк көлігі соғылып, 16 көлік өртеніп кетті. Оның 14-і жүк көліктеріне тиелген жеңіл автокөліктер болған. Бірінші автокөліктің жүргізушісі аман, екінші автокөлік жүргізушісінің тағдыры белгісіз. Оқиғаның себебі анықталып жатыр», - деді Жетісу облыстық ПД ЖПҚБ бастығы Қайсар Мухметов.