Пойызда есірткі тасымалдаған шетелдік ұсталды

Новосібір – Бішкек пойызындағы жолаушы Абай облысында қолға түсті

Фото: polisia.kz

Көлік полицейлері есірткі тасымалдаған шетелдік азаматты ұстады, деп хабарлайды Azattyq Rýhy.

Абай облысының Ауыл станциясында жедел-іздестіру іс-шараларын жүргізу барысында Новосібір – Бішкек бағытындағы жолаушылар пойызында 28 жастағы шетелдік азамат ұсталды.

«Қызметтік-іздестіру иті осы жолаушыға белгі беріп, жеке тінту кезінде одан марихуана табылды. Айналыстан алып қойылған заттардың немесе айналысы шектелген заттардың контрабандасы фактісі бойынша сотқа дейінгі тергеп-тексеру жүргізілді. Сот шешімімен күдіктіге 200 АЕК (738 400 теңге) мөлшерінде айыппұл түрінде жаза тағайындалды», - деп хабарлады ПД.

Мақалада

#шетелдіктер #жолаушылар пойызы #Абай облысы

Алдыңғы жаңалық

«Дене жарақаттары бар»: Өскеменде саяжайдың бірінен әйелдің мәйіті табылды