Нұрлан Қоянбаев трассада сауда жасап тұрған келіншектен 2 тонна қарбыз сатып алды (ВИДЕО)

Белгілі продюсер Нұрлан Қоянбаев челлендж бастады, деп хабарлайды Azattyq Rýhy. 

«Бүгін 2 тонна қарбыз сатып алдық! Жақсылық жасап, жарысайық!» - деп, ол оқырмандарын челленджді жалғастыруға шақырды.

Нұрлан Қоянбаев Түркістан қаласына жақын жердегі трассада қарбыз сатып тұрған келіншектен оның бар тауарын сатып алған.

«Толқып кеттім ғой, мұндай ақша алып көрмегенмін ғой», - деп, эмоциясымен бөлісті келіншек.

Челлендж көпшіліктен қолдау тапты.

«Дұрыс, біріңді қазақ бірің дос, көрмесең, істің бәрі бос, бір-бірімізді бәріміз қолдап жүрсек, барлығы жақсы болады. Қазақты қазақ қолдаса бай, бақытты боламыз! Алмасақ та алғандай болып отырмыз. Нұрлан ағам керемет, одан артық не керек», - деп жазды оқырмандар.