Алматыда студент үйлерін қандала басып кеткен

Жарияланған:
22.10.2019, 20:16

Қоғамдық кеңес мүшелері студент жатақханаларын аралаған кезінде көптеген мәселелердің бар екенін анықтады деп хабарлайды Informburo.kz сайты.

Рейд барысында 4 жатақханаға тексеріс жүргізіліп, көптеген студенттер үйінде бөлме жиһаздарының тозып кеткені, жағдай жасалмағандығы анықталды. Тексерістер Алматы қаласы тауарлардың қауіпсіздігі және сапасын бақылау департаментіне хабарланғаннан кейін басталған.

«Ең сорақы жағдай Satbayev University жатақханасында анықталды. Барлық жиһаздар, төсек жабдықтары ескі. Шкафтардың есіктері сынған, есіктері де жоқ. 3 адамдық бөлмеге 5-6 студент жайғасқан. Жертөледегі бөлмелерді бөгде әйелдің жалға алуы фактісі анықталды. Алғашында оқу орны қызметкерлері ол әйелдің сол университетте жұмыс істейтінін айтқан болатын. Алайда оның бөлмені 7000 теңгеге жалға алып келгені және оқу орнында жұмыс істемейтінін анықтадық»,-деп мониторинг тобының мүшесі Нұрлан Жазылбеков мәлімдеді.

Сондай-ақ, Асфендияров атындағы ҚазҰМУ студенттері қандаланың шағып, адам денсаулығына зиян тигізіп жатқанына шағымданды. Жатақханадағы жастардың туберкулез ауруына шалдығып жатқаны да рейд кезінде мәлім болды. Қажетті тұрмыстық техникалардың да жоқтығы, ғимараттағы лифтердің істен шығуы сияқты өзекті проблемалар анықталып, прокуратураға шағым ретінде жіберілді.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Алматы қаласы Бостандық ауданының судьясы пара алды деген күдікке ілінді
Қайнаған суды сырттан тасыдық: депутаттар Нұр-Сұлтанда жарықсыз қалған күндері туралы
Түркістан облысында көлік шеберханасынан ер адамның мәйіті табылды

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.