Қарағандыда терезеден құлап кеткен екі жасар баланың жағдайы белгілі болды
Қазіргі уақытта бала нейрохирургия бөлімінде ем алуда
Қарағандыда екінші қабаттың терезесінен құлап кеткен екі жасар баланың жағдайы белгілі болды. Дәрігерлердің айтуынша, абырой болғанда аман қалған, деп хабарлайды Azattyq Rýhy КТК арнасына сілтеме жасап.
Қазіргі уақытта бала нейрохирургия бөлімінде ем алуда.
«Жағдайы орташа ауыр, тұрақты. Бала әлі де тексерілуде. Қазіргі диагнозы: бас сүйек-ми жарақаты, мидың шайқалуы, сондай-ақ төменгі аяқ сүйегінің сынуы», - деді көпсалалы облыстық балалар ауруханасының нейрохирургі Руслан Хаутиев.
Белгілі болғандай, бала шөппен қапталған жерге құлаған. Бүлдіршін ата-анасымен бірге Астанадан қонаққа келген. Кешке қарай ол жатын бөлмеде терезе алдына шығып, қолымен торды итеріп, онымен бірге құлап кеткен.
Құтқарушылар пәтерлердегі барлық терезелерді қауіпсіздендіруге шақырады. Жыл басынан бері өңірде бір жастан жеті жасқа дейінгі 21 бала терезеден құлаған. Олардың төртеуі қаза тапты. Қалғандары ауыр жарақаттар алды.
