«Майкл Джексон сияқты»: сарбаздың биі қазнетті «жарды» (ВИДЕО)

Әлеуметтік желіде Майкл Джексон стилінде билеген қазақстандық сарбаздың биі тарады, деп хабарлайды Azattyq Rýhy.

Сахнадағы баннерден байқағанымыз, ол «Шығыс» аймақтық қолбасшылығының командалық-штабтық жаттығулары кезінде билеген. Сарбаз сахнаға шығып, Майкл Джексонның әніне билеп, әлемдік жұлдыздың көпке танымал би қимылдарын қайталады.

Видеодан сарбаздардың жігіттің өнеріне шулап, оң баға бергенін көруге болады.

«Барлық елдің әскерилері билесін, соғыс ешқашан болмасын», «бәрі керемет», «сержант Депсон», «қандай керемет би», «супер», «қазақша Джексон», - деп жазды комментаторлар.