Баланы теуіп құлатқан – видеодағы әкенің қылығы көпшіліктің талқысына түсті

Әлеуметтік желі қолданушылары отбасындағы зорлық-зомбылықты құнсыздандыратын тағы бір «әзілді» талқылап жатыр, деп хабарлайды Azattyq Rýhy.  

Бейнежазбада ер адамның әйеліне «пранк» жасағысы келгені көрінеді. Ол шамамен 8-9 жасар баласына айғайлап ұрысып, жарты метр биіктіктегі кіреберістен теуіп жібереді. Бала домалап құлап, сол жерге жасырып қойған бір құшақ гүлді алып шығып, анасына ұсынады.

Кейін отбасы мүшелері мәре-сәре болып, бір-бірін құшақтайды.

Айта кетсек, ер адам бұған дейін де баласына айғайлап, ұрсып, қолынан салып қалған видеосын салған. Ер адам видоларында де зорлық-зомбылықты әзілге айналдырып әйелін «қуантуға» тырысады.

«Лайк не істетпейді», «Топас пранк екен», «Басқаша болмай ма, міндетті түрде тебу керек пе, ақымақ құттықтау» «Басқа нәрсе ойлап табуға болмайтын ба еді? Балада нелерің бар?» «Ойнап та тебуге болмайды деп ойлаймын баланы! Тіпті малды теппе дейді ғой», деген пікірлер қалдырған желі қолданушылары.