Ақтөбе облысында гастролер-ұры қолға түсті (ВИДЕО)

Ақтөбе облысы ПД ұйымдасқан қылмысқа қарсы күрес басқармасының қызметкерлері гастролер-ұрыны ұстады. Оның бірнеше облыста автокөлік айдап әкету және пәтер ұрлығын жасағаны анықталды, деп хабарлайды Azattyq Rýhy.

«Ақтөбе қаласындағы хостелдің бірінен Toyota Camry автокөлігін ұрлау фактісі бойынша жедел іс-шаралар өткізу кезінде көрші облыстың 33 жастағы тұрғынын ұсталды. Анықталғандай, күдікті пәтер ұрлығы кезінде көліктің кілтін тауып, ұрланған заттарды тиеп алып көлік құралын айдап кеткен. Автокөлікті айдап әкету фактісі бойынша сотқа дейінгі тергеп-тексеру жүргізілуде», - деп хабарлады ПД.