Мас полицей Ақтөбеде ерлі-зайыптыларды көлікпен қағып, мерт қылды

Әуел баста ол оқиға орнынан қашып кеткен

Фотоколлаж: Azattyq Rýhy / Әбілқасым Есентаев

Ақтөбе облысында 34 жастағы полиция қызметкері мас күйінде көлік айдап, ерлі-зайыптыларды қағып өлтірді. Бұл ақпаратты Azattyq Rýhy тілшісіне Ақтөбе облысының полиция департаменті растады.

Дереккөзге сүйенсек, полиция қызметкері тойдан кейін мас күйінде көлік тізгініне отырған. Рульге ие бола алмаған ол 25 және 26 жастағы екі адамды қағып кеткен. Өкінішке қарай, ерлі-зайыптылар қаза тапқан.

Полиция қызметкері әуел баста оқиға орнынан қашып кетіп, артынан өзі берілген деген ақпарат бар. Қазір жол апатына кінәлі адам қамалып, оның тікелей басшысы болған бірнеше адам жұмысынан қуылғаны белгілі.

Мақалада

#Ақтөбе облысы #жол апаты #полиция #жол көлік оқиғасы

Алдыңғы жаңалық

Қарағанды облысында үш көлік соқтығысып, екі адам көз жұмды