Астанадағы азық-түлік дүкенінде ер адам әйелді соққыға жықты

Астанада ер адам азық-түлік дүкенінде әйелді ұрып-соққан, деп хабарлайды Azattyq Rýhy.

Белгісіз ер адамнан таяқ жеген әйел видеоны Instagram-дағы парақшасында жариялады. Жәбірленушінің айтуынша, 7 шілдеде ол дүкенге келіп, байқаусызда біреудің баласын қағып кеткен.

«Баланың әкесі менімен жанжалдасты, мен кешірім сұрадым, балаға зиянымды тигізейін деген ниетім болмады. Содан кейін жанжал басталды, ол мені балағаттай жөнелді. Баласын қолына алған күйде бірнеше рет итерді, оның баламен бірге тұрғанын түсініп, ештеңе істемедім. Содан кейін ол кетіп қалып, баласыз қайтып келді, барлығын видеодан көруге болады», - деп жазды әйел.

Бейнежазбадан ер адамның әуелі әйелді арқасынан итеріп, кейіннен бетінен ұрғанын көруге болады.

Жарияланымның астына елордалық полиция департаменті пікір қалдырған.

«Денсаулыққа қасақана зиян келтіру фактісі бойынша сот шешімімен дөрекі сөздер айтқаны үшін қылмыстық іс қозғалды. Сараптама тағайындалып, оның қорытындысы бойынша процессуалдық шешім қабылданады», - деп хабарлады ведомство.