Үндістанда әуежайдың шатыры құлап, адам қаза тапты

Дели аэропортының шатыры қатты жауыннан кейін опырылып құлады, деп хабарлайды Azattyq Rýhy BBC – ге сілтеме жасай отырып.

Апат салдарынан бір адам қаза тауып, төрт адам жарақат алды. Желіде жариялаған видеода көргеніміздей, алып шатыр 1-терминалдың жанында тұрған автомобильдерді басып қалған. Қазір 1-терминалдың бүкіл әуе рейстері тоқтатылған, жолаушыларды тіркеу орындары жұмыс істемейді. Аэропортта құтқару жұмыстары жалғасып жатыр.

Әлеуметтік желіде көпшілік терминалдың миллиардтаған рупийге наурыз айында ғана күрделі жөндеуден өткенін айтып, ашуға мінді. Ал билік өкілі құлаған бөліктің ескіргенін айтып, оның биыл емес, 2009 жылы жөнделгенін айтқан.