Астанада көшеде қансырап жатқан жігіт елді шошытты

Астанада Иманов көшесіндегі ойын-сауық мекемесінің жанынан қансырап жатқан жігіт табылды, деп хабарлайды Azattyq Rýhy.

Оқиға 22 маусымда таңғы сағат төрт шамасында болғаны анықталды. Жігіт пышақ жарақатын алған, көшеде қансырап жатқан күйінде табылды.

Полиция бұл факті бойынша қылмыстық іс қозғады.

«Қажетті тергеу шаралары жүріп жатыр, сот-медициналық сараптама тағайындалды. Полиция қызметкерлері оқиғаға қатысы бар адамды анықтады», - деп жауап берді Астана ПД.

Тергеу мүдделері үшін қосымша ақпарат таратылмайды.