Вьетнам астанасында өрт болып, 14 адам қаза тапты

Ханойда тұрғын үй өртеніп, 14 адам қаза тауып, тағы үш адам жарақат алды, деп хабарлайды Azattyq Ruhy.

Ауданы 100 шаршы метр болатын ғимарат ені екі метрге жуық тар аллеяда орналасқан, ол жерден  өрт сөндіру машиналары жүре алмайды.

Вьетнам ақпарат агенттігінің хабарлауынша, жалға алуға арналған көп қабатты ғимаратта әр қабатта екі бөлме бар. Бірінші қабатта электр велосипедтерін сату және жөндеу бизнесі жұмыс істейді.

Әзірге өрттің негізгі себебі электронды велосипедтердің біріндегі техникалық ақау болып отыр. Тергеу жалғасуда.