Қонаев қаласында пәтерден өрт шығып, 25 адам эвакуацияланды

Azattyq Rýhy

Өрттің алдын ала себебі – электр сымдарының қысқа тұйықталуы

Қонаев қаласында пәтерден өрт шығып, 25 адам эвакуацияланды
Фото: istockphoto.com

Қонаев қаласындағы көппәтерлі тұрғын үйдің 1 қабатындағы пәтерлердің бірінде 14 ш.м. алаңда өрт орын алды. Өрт сөндірушілердің үйлесімді және жедел іс-әрекеттерінің арқасында өрт 26 минут ішінде сөндірілді, деп хабарлайды Azattyq Rýhy ТЖМ баспасөз қызметіне сілтеме жасап.

ТЖД құтқарушылары баспалдақпен 25 адамды, оның ішінде 6 баланы эвакуациялады.
Өрттің алдын ала себебі – электр сымдарының қысқа тұйықталуы. 

«Өрт орын алған жағдайда дереу «101» немесе «112» нөмірлеріне қоңырау шалыңыз!», - деп ескертеді төтеншеліктер

×
Бұл желілік ресурстың ақпараттық өнімдері 18 жастан асқан адамдарға арналған.