Бишімбаев ісі: Байжановқа қатысты бір айып шешілді

Судья Бақытжан Байжановқа Қылмыстық кодекстің 434-бабы, яғни, белгілі аса ауыр қылмыс жасағаны туралы хабарламау фактісі бойынша тағылған айып алып тастады, деп хабарлайды Azattyq Ruhy.

Бұған дейін, мемлекеттік айыптаушы Байжановқа қатысты екі айыптаудың бірінен бас тартқан болатын.

Тергеу Қылмыстық кодекстің 432-бабы, аса ауыр қылмысты күні бұрын уәделеспей жасырып қалу айыбы бойынша жалғасады.

Айта кетейік, азаматтық некедегі әйелі Салтанат Нүкенованы аса қатігездікпен өлтірді деп айып тағылған экс-министр Қуандық Бишімбаев пен оның туысы Бақытжан Байжановқа қатысты сот тергеуі аяқталып, бүгін, 2024 жылдың 2 мамырында жарыссөз басталды.