Атырау облысында полицейлер базардан шыққан өртті ауыздықтады

Атырау облысындағы Индер базарында шыққан өртті полицейлер дер кезінде ауыздықтап үлгерді, деп хабарлайды Azattyq Rýhy ІІМ баспасөз қызметіне сілтеме жасап.

Атырау облысы Индер ауданында 27 сәуір күні сағат 01:00 базар ішінен өрт шыққан. Аудандық полиция бөлімі бойынша тексеруші болған бөлім бастығының орынбасары Арман Кубашев аумақты аралау кезінде қызыл жалынды байқап қалған. Дереу қауіпсіздік шараларын қолға алып, жақын маңдағы әріптестерін шақырған.

Индер ауданы полиция бөлімі патрульдік полиция тобының қызмет инспекторлары Юрий Гоменюк пен Нұрберген Алтынбеков қолда бар құралдармен өртті ауыздықтап, тілсіз жау зардабының алдын алды.