Алматыдағы автобус апаты: сот Дархан Ахметжановты 8 жылға бас бостандығынан айырды

Бүгін Жоғарғы соттың тікелей эфирінде өтіп жатқан сотта Дархан Ахметжанов 2023 жылы желтоқсанда үш адамның өмірін қиған автобус апатына кінәлі  деп танылып, 8 жылға сотталды, деп хабарлайды Azattyq Ruhy.

«Дархан Ахметжанов Қазақстан Республикасы Қылмыстық кодексінің 293 бабы бірінші бөлігі бойынша 1 жылға, 351 бабы 3 бөлігі бойынша 8 жылға сотталсын. Қылмыстық кодекстің 58 бабы 2 бөлігіне сәйкес, Дархан Ахметжановқа түпкілікті 8 жыл бас бостандығынан айыру туралы жаза кесілді», - деді судья Шәкіров.

Айта кетейік, бүгін сот отырысында соңғы сөзін айтқан Ахметжанов 293 баптың бірінші бөлігі бойынша кінәсін мойындап, ал, 351 баптың 3 бөлігіндегі кінәні мойындамады. Осылайша ол соттан оны бас бостандығын шектеу туралы жаза қолдануын сұраған еді. 

Еске салайық, Алматыда автобус бір топ адамды қаққан еді. Полицияның мәліметінше, №47-ші бағыттағы қоғамдық көліктің ішіндегі жолаушы жанжал шығарып, жүргізуші әйелді ұрған.

Салдарынан ол есінен танып, көлікті басқара алмай қалған.

Апат салдарынан 7 адам зардап шекті. Жедел медициналық қызмет келгенше үшеуі қайтыс болды.