Астанада автобус өртеніп кетті

Астанадағы «Премьера» тұрғын үй кешені маңындағы Қабанбай батыр көшесінде автобус өртенді, деп хабарлайды Azattyq Rýhy.

Астана ТЖД мәліметінше, құтқарушылар өртті ауыздықтаған.

«30 наурызда сағат 14:27-де Астана ТЖД өртсөндірушілері Қабанбай батыр даңғылы 5/3 мекенжайы бойынша автобус жанып жатқан жерге шықты. Өртсөндірушілер жеткеннен кейін автобустың қозғалтқышы жанып жатқанын анықтады. 14:35-те өрт оқшауланды, 14:40-та өшірілді. Құрбандар мен зардап шеккендер жоқ», - деп мәлім етті Астана қалалық ТЖД баспасөз қызметінен.