Жетісайда коронавирустан көз жұмған науқастың әйелі де індет жұқтырған

Түркістан облысында коронавирус инфекциясын жұқтырған азаматтар саны 49 адамға жетті. 

Атап айтқанда, Жетісай ауданында 20 адамның (оның ішінде 1956 жылғы азамат 4 сәуір күні қайтыс болған), сондай-ақ,Кентауда – 5, Ордабасыда – 2, Сайрамда – 2, Мақтаралда – 4, Арыста – 14, Сарыағашта – 1, Бәйдібекте – 1 тұрғын қауіпті індетке шалдыққан. Бұл туралы Түркістан облыстық әкімдігінің баспасөз қызметі хабарлады.

«Жетісай ауданы Асық ата ауылының 1980 жылы туған тұрғынынан коронавирус анықталды. Ол COVID-19 инфекциясымен ауыратын науқаспен жақын байланыста болған. Сондай-ақ,Жетісай қаласының 1956 жылы туған азаматшасынан да коронавирус инфекциясы анықталды. Ол 4 сәуір күні қайтыс болған Жетісай қаласының тұрғынының жұбайы», - делінген баспасөз қызметінің хабарламасында.

Барлық науқастардың жағдайы қанағаттанарлық, шағымы жоқ. Вирус жұқтырғандар қазіргі уақытта оқшауланып, тиісті ем қабылдауда.

Аталған азаматтармен байланыста болғандарды анықтап, оқшаулау жұмыстары жүргізілуде.