Солтүстік Корея Жапонияға қатарынан үш баллистикалық зымыран ұшырды

Солтүстік Корея Жапон теңізіне қарай үш баллистикалық зымыран ұшырды, олар Жапонияның арнайы экономикалық аймағынан тыс жерге құлады. Бұл туралы дүйсенбіде Kyodo ақпарат агенттігі жариялады, деп хабарлайды Azattyq Ruhy.

«Пхеньян таңғы сағат 7:44 шамасында екі зымыран және таңғы 8:21 шамасында бір зымыран ұшырған, олардың әрқайсысы шамамен 50 м биіктікте, 350 шақырымға ұшқан», - деп хабарлады Қорғаныс министрлігі.

14 қаңтарда да КХДР орта қашықтықтағы баллистикалық зымыранды сынаған. Жапонияның мәліметі бойынша, зымыран Жапон теңізіндегі ерекше экономикалық аймақтан тыс жерге құлаған. Токио Пхеньянды баллистикалық зымырандарды сынауға тыйым салатын БҰҰ қарарларын бұзды деп айыптады.

«Солтүстік Кореяның бірқатар әрекеттері қисынға келмейді және біздің елдің, аймақтың, халықаралық қауымдастықтың бейбітшілігі мен қауіпсіздігіне қауіп төндіреді», — деді Жапония премьер-министрі Фумио Кишида.

Пхеньян ұшырған қысқа қашықтықтағы екі зымыраннан жапондық кемелер мен ұшақтарға зақым келген жоқ.