Әлемде 2 миллионға жуық адам коронавирус жұқтырды
120 мыңға жуық адам қауіпті індеттің құрбанына айналды
Бүгінгі таңда әлемде 1 млн 924 мың адам коронавирус жұқтырды. 120 мыңға жуық адам қауіпті індеттің құрбанына айналды, деп жазады worldometers сайты.
Ал Джон Хопкинс университетінің мәліметінше, 446 мың адам COVID-19 вирусынан жазылып шықты.
Қазіргі уақытта қауіпті індет жұқтырғандар саны жағынан АҚШ әлі де алдыңғы орында тұр: бұл елде 582 мың адам ауырған. 169 мың азаматы вирус жұқтырған Испания екінші орында тұр. Италияда 159 мың адам, Францияда 137 мың адам, Германияда 128 мың адам індет жұқтырған.
Сондай-ақ, Ресейде 18 328 адам ауру жұқтырса, қауіпті індеттен көз жұмғандар саны 148 адамға жетті.
Ал Қазақстанда бүгінгі таңда 1091 адам коронавирус жұқтырған. 138 адам ауруынан жазылып шықса, өкінішке қарай, 12 адам көз жұмды.
