Алматыда жаяу жүргіншілер өткелінде әйел адамды көлік қағып өлтірді

Алматыда жаяу жүргіншілер өткелінде әйел адамды көлік қағып өлтірді, деп хабарлайды Azattyq Ruhy.

Қалалық полиция департаментінің баспасөз қызметі хабарлағандай, қайғылы оқиға 16 ақпанда сағат 05:50-де болған.

«Ниссан» көлігінің жүргізушісі – 1984 жылы туған азамат Сүйінбай даңғылының бойымен солтүстік бағытта келе жатып, белгіленген жаяу жүргіншілер өткелімен жолды кесіп өтіп бара жатқан жаяу жүргіншіні – 1968 жылы туған әйелді қағып кеткен. Апат салдарынан әйел оқиға орнында көз жұмды», - делінген хабарламада.

Полицейлер аталған дерек бойынша сотқа дейінгі тергеу амалдарын бастап, сараптама тағайындады.