Елордадағы көпқабатты тұрғын үйлердің бірінде өрт шықты

15 ақпан күні сағ.18:21-де Астана қаласы ТЖД бөлімшелері Тәуелсіздік даңғылы 21 мекенжайына барды. Өрт сөндірушілердің келіп жетуі бойынша пәтерде қатты түтін бар екені анықталды, деп хабарлайды Azattyq Ruhy ТЖМ баспасөз қызметіне сілтеме жасап.

Өрт сөндірушілер автокөлік сатысының көмегімен әйелді құтқарып, жедел жәрдем бригадасына тапсырды.

«Өрт сағат 18.57-де оқшауланды. Оқиға орнында Астана қ., ТЖД жеке құрамнан 22 адам және 7 техникасы жұмылдырылды. Пәтердің асхана бөлмесінде 15 ш.м. жалпы алаңда жиһаз (диван), үй заттары және керілген төбе жанған. Өрт сөндіру барысында елордалық өрт сөндірушілер 30 адамды, оның ішінде 12 баланы қауіпсіз жерге көшіріп, 3 адамды, оның ішінде 1 балағы құтқарды», - делінген хабарламада.

Оқиға орнында құтқарылған үш адамды жедел жәрдем бригадасы тексерді.