Оралда сатушылар мен студенттерді тонаған қылмыстық топ ұсталды

Azattyq Rýhy

Уақытша ұстау изоляторына 4 күдікті қамауға алынды

Оралда сатушылар мен студенттерді тонаған қылмыстық топ ұсталды

Орал қаласында қылмыстық топ ұсталды, деп хабарлайды Azattyq Ruhy.

ІІМ баспасөз қызметінің хабарлауынша, олар қаладағы сауда орталықтарының қызметкерлері мен оқу орындарының студенттерін тонап, ақша бопсалады деген күдікке ілінген.

«Жоғарыда аталған фактілер бойынша қылмыстық істер қозғалды. Уақытша ұстау изоляторына 4 күдікті қамауға алынды. Алаяқтық әрекеттерге барғандардың барлығы – колледж студенттері», - делінген хабарламада.

Қылмыстық топқа қатысы бар басқа да тұлғаларды анықтап, ұстау бағытында жедел-іздестіру іс-шаралары жүргізілуде.

«Егер Сіз ұсталған тұлғалардан зардап шеккен болсаңыз, дереу полиция қызметіне хабарласуыңызды сұраймыз», - деп ескертеді полицейлер.

×
Бұл желілік ресурстың ақпараттық өнімдері 18 жастан асқан адамдарға арналған.