СҚО-да газ баллоны жарылып, 83 жастағы әжесі мен немересін күйік шалды

Солтүстік Қазақстан облысы Бексейіт ауылында газ баллоны жарылып, 83 жастағы әйел мен оның 21 жастағы немересін күйік шалды. Бұл туралы СҚО төтенше жағдайлар департаменті баспасөз қызметінен мәлім етті, деп хабарлайды Azattyq Rýhy.

ТЖД мәліметінше, оқыс оқиға 5 қаңтар күні болған.

Сағат 19.43-те Мамлют ауданының № 15 өрт сөндіру бөліміне 27 литрлік газ баллонының жарылғаны туралы ақпарат келіп түсті.

Салдарынан екі шаршы метр алаңда төбенің тартпасы жанған. Екі адам - 1940 жылы туған әйел және оның 2002 жылғы немересі күйікпен ауруханаға жеткізілді.

Мамандардың айтуынша, тұрғындар газ аспаптарын дұрыс қолданбайды, қауіпсіздік ережесін сақтамайды.