Алматы облысында  11 күн бұрын жоғалып кеткен әйел табылды

Azattyq Rýhy

Облыстық полиция қызметкерлері оны жақын туыстарына тапсырды

Алматы облысында  11 күн бұрын жоғалып кеткен әйел табылды
Фото: instagram.com/volontery_almaty_lider.kz

Алматы облысы полицейлері 11 күн бұрын жоғалып кеткен 33 жастағы әйелді тапты, деп хабарлайды Azattyq Rýhy.

2023 жылдың 25 желтоқсанында Алматы облысы аумақтық Полиция басқармасына із-түзсіз жоғалған 1990 жылы туған Мөлдір Әбдіманапованың туыстары хабарласқан.

«Арыз бірден Кеген ауданы Полиция басқармасының сотқа дейінгі тергеп-тексерудің бірыңғай тізіліміне тіркеліп, барлық қажетті іздестіру шаралары басталып кетті», - деді Алматы облыстық Полиция департаментінің бастығы Бауыржан Әленов.

Қабылданған шаралардың нәтижиесінде жоғалған әйелдің мекенжайы анықталып, облыстық полиция қызметкерлері оны жақын туыстарына тапсырды.

«Сонымен қатар, азаматша А-мен. профилактикалық әңгіме жүргізілді», - деп атап өтті полковник Б. Әленов.

×
Бұл желілік ресурстың ақпараттық өнімдері 18 жастан асқан адамдарға арналған.