Жаңа жыл түні ТЖМ құтқарушылары 518 адамды эвакуациялауға көмектесті

Өткен тәулікте 31 желтоқсанда Қазақстан ТЖМ күштері 163 шығу жасады, оның 94-і өрттер мен жану оқиғаларына, 68-і іздестіру, авариялық-құтқару және басқа да жұмыстарға бағытталды, деп хабарлайды Azattyq Ruhy ведомствоның баспасөз қызметіне сілтеме жасап.

Бұл ретте 518 адам, оның ішінде 65 бала құтқарылды және эвакуацияланды.

«ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады. Ауылдық жерлерде тұратын тұрғындарға ауа райы нашарлаған жағдайда алыс қашықтыққа жаяу жүруден бас тартуды ұсынамыз», - делінген хабарламада.