Екі үй қирады: Алматы маңындағы ауылдың бірінде газ жарылды

Алматы маңындағы Гүлдала ауылында жеке үйлерде газ жарылып, төрт адам зардап шекті, деп хабарлайды Azattyq Ruhy.

Оқиға бүгін, 17 желтоқсанда сағат 06:15-те Байтұрсынов көшесінде және 08:20-да Сүйінбай көшесінде болған. 

Әкімдіктің мәліметінше, жарылыс ауа-газ қоспасының жарылуынан пайда болды.

«Жарылыс салдарынан төрт адам зардап шекті,олар ауруханаға жатқызылды. Алдын ала себеп - табиғи газ құбырындағы қысымның жоғарылауы. Себебін анықтау үшін оқиға орнына мамандар жіберілді. Аудан әкімі Таңат Айдарбеков оқиға орнына барып, зардап шеккен отбасылардың жағдайымен танысты. Сондай-ақ, Гүлдала ауылдық округі әкімінің аппаратына және аудандық төтенше жағдайлар бөліміне алдын алу шараларын ұйымдастыру, тұрғын үйлерді аралау және тексеру тапсырылды», - делінген хабарламада.