Қостанайда демалыс базасында газ баллоны жарылды

Оқиға салдарынан бір адам зардап шекті

фото: ашық дереккөзден

Қостанайда «Мохито» демалыс базасында екі қабатты үйде тұрмыстық газ баллоны жарылды, деп хабарлайды Azattyq Ruhy Астана телеарнасына сілтеме жасап.

Төтенше жағдай 18:00-де болды. Бұл бір апта ішіндегі дәл осындай үшінші жағдай. Абырой болғанда, өрт болған жоқ. Жарылыстың күші терезелерді сындырып жіберді.

Қостанай облысы ТЖД мәліметінше, оқиға салдарынан 1988 жылы туған ер адам денесінің 28% термиялық күйік шалды. Ол ауруханаға түсті.

Әлеуметтік желі қолданушылары оқиға орнынан бейне жариялады. Ғимараттың жанында ТЖД арнайы техникасы мен жедел жәрдем көліктері жұмыс істеді.

Мақалада

#Қостанай #жарылыс #газ баллоны

Алдыңғы жаңалық

Екі үй қирады: Алматы маңындағы ауылдың бірінде газ жарылды