Ақтөбе облысында екі көлік соқтығысып, үш адам қаза тапты

Ақтөбе облысында жол апатынан үш адам қаза тапты, деп хабарлайды Azattyq Ruhy.

Облыстық полиция департаментінің мәліметінше, қайғылы оқиға 19 қарашада сағат 05:45 шамасында Ақтөбе – Орынбор тасжолының 73 шақырымында болған.

«Мәртөк ауылының маңында Audi, Lexus және Subaru forester автокөліктері соқтығысқан. Соның салдарынан Lexus және Subaru forester автокөлігінің жүргізушілері мен Subaru-да болған жолаушы оқиға орнында қаза болды», - делінген хабарламада.

Lexus жолаушысы Мәртөк ауданының ауруханасына жеткізілді.

ҚР Қылмыстық кодексінің 345-бабы 4-бөлігімен сотқа дейінгі тергеп-тексеру жүргізіліп жатыр.